Əgər ABŞ Rusiya ilə yaxınlaşmaq istəyirsə, xarici siyasətdə missioner yanaşmadan əl çəkməlidir.

Axar.az xəbər verir ki, bu barədə "Amerikan Konservativ" məlumat yayıb.

"Avropada hərbi fəaliyyətimizi nə qədər azaltsaq da, ABŞ-ın xarici siyasəti Rusiyanı təhlükə kimi qəbul edəcək. Liberalizmin müdafiəsi üçün səlib yürüşünü dayandırmaq lazımdır", - deyə qeyd olunub.

Məqalədə bildirilib ki, Rusiyaya iqtisadi və ya hərbi təzyiq kimi maddi vasitələrlə təsir etmək mümkün deyil:

"Bunun əvəzinə ABŞ beynəlxalq arenada davranışının mahiyyətini dəyişməlidir. Rusiya həm kommunizmi, həm də liberalizmi yaşayıb və onun heç birini bəyənməyib. Öz universallığımızı kənara qoyub, bizi sivilizasiyanın digər qütblərinə yaxınlaşdıracaq bir şey tapmalıyıq".