Ana səhifə Planet |
Azərbaycan bu məsələni 10 noyabr 2020-ci il bəyanatının müzakirəsinə də salmaq istəyirdi.
Axar.az xəbər verir ki, bu sözləri Ermənistan Baş naziri Nikol Paşinyan onlayn formatda jurnalistlərin Ermənistandakı Azərbaycan anklavları məsələsinin necə həll ediləcəyi ilə bağlı sualı cavablandırarkən deyib.
“Bizim mövqeyimiz belədir: başa düşməliyik ki, xəritələrdə əks olunan anklavların hansı əsası var? Bunun hüquqi əsası var, ya yox? Bu xəritədə sadəcə bir konturdur, yoxsa belə deyək, iki kolxoz arasında digərinə ərazi verməkdir? Biz ciddi şəkildə bu fəaliyyətin hüquqi əsası olduğuna şübhə edirik”.
O bildirib ki, bu məsələyə demarkasiya və delimitasiya ilə bağlı yaradılması nəzərdə tutulan birgə komissiyada baxılmalıdır:
“İrəvan bunların hüquqi əsaslarının anlaşılması üçün müzakirələrin əleyhinə deyil. Biz bilirik ki, dünyada anklavların ölkələrin sərhədləri içində qalması təcrübəsi var. Ancaq bundan əvvəl biz hüquqi əsasları anlamalıyıq”.
Qeyd edək ki, erməni mediası bu sualı Qazaxın 7, Naxçıvanın 1 kəndinin geri qaytarılması barədə müzakirələr fonunda verib.
Tarix
2021.11.23 / 23:32
|
Müəllif
Axar.az
|