İŞİD terror təşkilatının liderlərindən biri Əbu İbrahim əl Haşimi əl Qüreyşi Rusiyanın nəzarətində olan ərazidə öldürülüb. Burada ABŞ-la Rusiya arasında anlaşma olub.

Axar.az xəbər verir ki, bunu türkiyəli yazar Haluk Özdil deyib.

H.Özdil iddia edib ki, Rusiya bir neçə gün ərzində Ukraynaya qarşı əməliyyat təşkil edə bilər:

“Əgər ABŞ Rusiyaya baxmayaraq bunu edibsə, Rusiya bu gecə də daxil olmaqla, Ukraynaya qarşı əməliyyat keçirə bilər. Bu, bir neçə gün ərzində baş verə bilər. Nə qədər gedər, hara qədər gedər, bilmirəm, amma sərhəd münaqişəsi mümkündür. Qəribə və əcaib günlərə doğru gedirik. Bu müharibə başlasa, dünyada bir bədəli olacaq. Bu, Türkiyəyə də təsir edəcək. Yanlış düşündüyümə ümid edirəm. ABŞ tərəfindən bizə bir şəkil təqdim olundu. Deməli, bu şəklin mənası var. Təəssüf ki, coğrafiyamız bu cür inkişaflardan mənfi təsirlənən iqtisadi nəticələrlə doludur”.