Rusiya Xarici İşlər naziri Sergey Lavrov ABŞ-ın Rusiyanın İŞİD-i deyil, yanlış hədəfləri vurması ilə bağlı iddiasına izahat tələb edib.

Axar.az xəbər verir ki, Lavrov məsələ ilə bağlı açıqlamasında bütün detallara aydınlıq gətirib.

"Amerikalı həmkarlarımız qeyd edir ki, Rusiyanın məqsədi İŞİD-i vurmaq deyil. Onlar bununla bağlı narahatlıqlarını bizə bildirdilər. O cümlədən, bu barədə onlarda faktların olduğunu söylədilər. Onlardan həmin faktlar barədə bizə izahat vermələri tələb etdik. Çünki biz hansı hədəfi vurmağımızın fərqindəyik. Müdafiə Nazirliyinin rəsmi saytında hər şey aydın izah olunub. Vətəndaşların yaralandığını deyirlər. Lakin bizim bundan xəbərimiz yoxdur. Biz hərbi əməliyyatlar zamanı olduqca diqqətli hərəkət edirik".

Qeyd edək ki, Rusiya son hərbi əməliyyatda 8 hava zərbəsi endirib.