İran əsgərlərinin hərbi əməliyyatlarda iştirak etməsi üçün Suriyaya getməsi ilə bağlı iddialara ABŞ-dan rəsmi cavab gəlib.

Axar.az xəbər verir ki, Ağ Evin mətbuat katibi Coş Ernest bu faktı təsdiqləməyib.

"Bizdə bu haqda məlumat yoxdur. Əgər belə bir olay baş verərsə, bu işdə birbaşa Rusiya məsuliyyət daşıyar".

Ernest onu da əlavə edib ki, Rusiyanın Suriyadakı hərbi əməliyyatları ABŞ-ın bu bölgə ilə strategiyasına ciddi təsir göstərməyib.

Digər tərəfdən bəzi mənbələr, iranlı əsgərlərin Əsəd rejiminə hərbi dəstək olmaq üçün Suriyaya gəldiyini bildirib. O cümlədən, Hizbullahın onları müdafiə edəcəyi də açıq-aşkar ifadə olunub.