BMT Təhlükəsizlik Şurasında hərtərəfli islahatlar aparılmalı və daimi üzvlərin veto hüququ ləğv olunmalıdır.

Axar.az xəbər verir ki, bunu Türkiyə Prezidenti Rəcəb Tayyib Ərdoğan “Blumberq” üçün yazdığı məqalədə qeyd edib.

“Təhlükəsizlik Şurasının strukturu hələ də İkinci Dünya müharibəsindən sonrakı dünya nizamını əks etdirir və müasir reallıqlara uyğun deyil.

Veto hüququnun ləğvi hər hansı əhəmiyyətli islahatın həm başlanğıc nöqtəsi, həm də əsas strateji məqsədi olmalıdır”, - o bildirib.

Ərdoğan həmçinin Baş Assambleya daxilində heç bir dövlətin beynəlxalq ictimaiyyətin əksəriyyətinin iradəsini daimi olaraq bloklaya bilməməsi prinsipi ətrafında geniş koalisiya yaratmağı təklif edib.

O, Baş Assambleyanın rolunu gücləndirmək və onunla Təhlükəsizlik Şurası arasında tarazlığı bərpa etmək lazım olduğunu düşünür.