Kollecdə 13 nəfərin öldürülməsindən sonra ABŞ Prezidenti Barak Obama silahlarla bağlı mövcud olan qanunların sərtləşdirilməli olduğunu açıqlayıb.

Axar.az RİA-ya istinadən xəbər verir ki, prezident insanlara ziyan vermək istəyənlərin asanlıqla silah əldə edə bilməsindən narazıdır.

Prezidentin sözlərinə görə, faciələr baş verdikdən sonra dua etmək və peşmançılıq duymaq kifayət deyil:

"Təkcə dualarla kifayətlənmək olmaz. Bu, yetərincə deyil. Biz dünyada yeganə ölkəyik ki, bu tip hadisələrlə bir neçə aydan bir rastlaşırıq. Bu, artıq adət halını alıb".

Obama ABŞ Konqresini silah satışıyla bağlı qanunlara bir daha baxmağa çağırıb.