Hülya Ünal Ankara terrorunda ailəsinin 18 üzvünü itirib.

Axar.az-ın məlumatına görə, onun Siirt bölgəsində yaşayan 18 nəfər qohumu paytaxtdakı yürüşdə iştirak etməyə gəlib. Hülyanın dediyinə görə, əyalətdən gələn yaxınlarını mitinqin başa çatmasından sonra şəhərdə gəzdirmək planı olub:

"Onlar heç vaxt Ankaranı görməmişdilər. İlk dəfə idi gəlirdilər. Amma indi cansız bədənlərini yola salıram".
Partlayışdan bir neçə dəqiqə qabaq avtobusdan düşən Hülya dəmiryol staniyasına doğru irəliləyib. Az sonra terrakt baş verib və o, alov qalxan tərəfə qaçıb:

"On beş qohumumu yola salmışıq, qalan üç nəfərin kimliyi təsbit edilir".

Onun qohumları sırasında əmi uşaqları, dayısı oğlu, həyat yoldaşının yaxınları və başqaları olub.

Qeyd edək ki, oktyabrın 10-da baş verən terrorda 97 nəfər həlak olub.