Kerrinin Orta Asiya dövlətlərinə səfəri çox gecikmiş plandır.

Axar.az xəbər verir ki, bunu politoloq Orxan Qafarlı öz Feysbuk səhifəsində paylaşıb. Onun sözlərinə görə, ABŞ-ın Xəzərdəki planları uğur qazanmaya bilər:

"Bu səfərdən sonra ABŞ-ın Hərbi Dəniz Qüvvələri Komandanlığının Azərbaycan, Qazaxıstan və Türkmənistanla bağlı planlarının bir nəticə əldə edəcəyinə inanmıram. İndi Pentqon çox sadə addım ataraq düşünür ki, Rusiya Xəzərdən Suriyaya raket atdıqdan sonra bölgə dövlətləri təhdid hiss edir və ABŞ-ın hərbi dəstəyinə ehtiyac duyur. Amma Vaşinqtonun anlamadığı odur ki, Xəzər hövzəsində yüksələn Rusiya qavrayışı tamam fərqlidir".