Rusiya qırıcısının vurulmasından sonra paytaxt Moskvadakı hərbi dairələrlə əlaqə yaradıldı və istənilən sahədə əməkdaşlığa hazır olduğumuz vurğulandı.

Axar.az xəbər verir ki, bu barədə Türkiyə Silahlı Qüvvələrinin açıqlamasında deyilib.

Açıqlamada o da qeyd olunub ki, olaydan dərhal sonra Rusiyanın hərbi attaşesi Baş Qərargaha çağırılıb. Türk rəsmilər qarşı tərəfə bunları izah ediblər:

1. Qırıcının hansı ölkəyə məxsus olması bəlli deyildi.

2. Sözügedən qırıcının pilotuna 10 dəfə ardıcıl xəbərdarlıq edilməsinə baxmayaraq, o idarəetməni dəyişməyib və nəticədə tərəfimizdən vurulub.

3. Rusiya təyyarəsi vurulduqdan sonra Türkiyə tərəfi pilotun tapılması istiqamətində axtarışlara başlayıb.

4. Bundan öncə də tərəflərarası müzakirələrdə rus qırıcılarının Türkiyənin hava məkanını pozması ilə bağlı dəfələrlə xəbərdarlıq edilib.