Ana səhifə Planet |
ABŞ-ın keçmiş Dövlət katibi Hilari Klinton Böyük Britaniyanın keçmiş Baş naziri Toni Bleri Avropa Şurasının sədrliyinə keçirilən seçkilərdə dəstəkləməyib.
Axar.az xəbər verir ki, bu sözlər ABŞ-ın keçmiş Dövlət katibi Hilari Klintonun mətbuatda yayımlanan şəxsi yazışmalarında yer alıb. Klintona bu işlə bağlı Toni Blerin məsləhətçisi Conatan Pauel müraciət edib. Klinton Pauelə cavabında Bleri dəstəkləyəcəyini deyib. Sonra Pauel Klintondan keçmiş baş naziri müdafiə edən məqalə yazmasını xahiş edib. Lakin Klinton verdiyi sözlərdən heç birinə əməl etməyib və cəmi bir ay sonra Bler Avropa Şurasına sədrlik üçün keçirilən seçkidə məğlub olub.
Qeyd edək ki, bundan öncə mətbuatda Klintonla Blerin şəxsi yazışması yayılıb. Bler müraciətində Liviya lideri Müəmmər Qəzzafiyə qarşı başladılan kampaniyanın dayandırılmasını xahiş edib.
Tarix
2015.12.01 / 14:48
|
Müəllif
İlkin Həsənov
|