Gürcüstan Daxili İşlər Nazirliyi İran vətəndaşının xüsusilə külli miqdarda narkotik vasitələrin əldə edilməsi və saxlanması ittihamı ilə saxlanılması barədə məlumat yayıb.

Axar.az xəbər verir ki, Gürcüstan hüquq-mühafizə orqanları Poti limanında 80 kq-a qədər heroin müsadirə ediblər.

“Narkotiklər yük maşınında aşkar edilib. Təqsirləndirilən şəxs İran vətəndaşıdır. O, Gürcüstana heroini Ermənistandan keçirib və Avropaya aparırmış. O, bunu Gürcüstanın dəniz limanlarından biri vasitəsilə həyata keçirməyə cəhd edib, həmin vaxt saxlanılıb”, - məlumatda deyilir.

Qeyd olunur ki, saxlanılan şəxsi 20 ilədək və ya ömürlük həbs cəzası gözləyir.