Gürcüstanda iki millət vəkili məhbusların əfv prosesi ilə bağlı yaşanan korrupsiya qalmaqalına görə şübhəli qismində dindiriliblər.

Axar.az TASS-a istinadən xəbər verir ki, bu haqda məlumatı ölkənin Baş prokuroru İrakli Şotadze verib.

Onun sözlərinə görə, dindirilənlərdən biri Gürcüstan parlamenti sədrinin müavini Manana Kobaxidze, digəri isə parlamentin İnsan hüquqları komitəsinin sədri Eka Beseliyadır.

Parlament üzvləri bu məsələ ilə bağlı 200 min dollar məbləğində rüşvət almaqda ittiham olunur. Deputatlar onlara qarşı irəli sürülən ittihamları rədd ediblər.

Qeyd edək ki, cinayət işi üzrə 20 nəfər şahid qismində dindirilib.