Çexlərin təxminən yarısı hesab edir ki, Ukraynanın əks-hücum əməliyyatı Rusiyanın təcavüzünə tez bir zamanda son qoymağa kömək etməyəcək.

Axar.az xəbər verir ki, bu barədə “Radiojurnal” üçün keçirilən sorğuda deyilir.

Sorğuda iştirak edən çexlərin 47%-i Ukraynanın əks-hücumunun müharibənin daha tez bitməsinə kömək edəcəyini gözləmir. Belə bir bədbin fikri ən çox 59 yaşdan yuxarı əhali, orta təhsilli insanlar bildiriblər.

Digər tərəfdən, çexlərin təxminən üçdə biri, yəni 31%-i əks fikirdədir. Bu mövqeyi universitet tələbələri, SPOLU və PirSTAN hakim koalisiyasının seçiciləri və Prezident Petr Pavelin seçiciləri vurğulayıblar.