Səudiyyə Ərəbistanı müdafiə nazirinin müavini Məhəmməd Bin Abdullah Aiş ilə Pakistan Silahlı Qüvvələrinin Baş Qərargah rəsi Rahil Şərif arasında hərbi əməkdaşlıq mövzusunda görüş keçirilib.

Axar.az xəbər verir ki, görüşdə bölgədəki vəziyyət, terrorizmə qarşı mübarizə məsələləri müzakirə olunub.

Qeyri-rəsmi məlumata görə, iki ölkə arasında hərbi əməkdaşlığın gücləndirilməsi götür-qoy edilib. Səudiyyə Ərəbistanının yaxın vaxtlarda Pakistandan silah alacağı istisna edilmir.

Xatırladaq ki, bir müddət öncə Səudiyyə Ərəbistanının başçılığı ilə 34 müsəlman ölkəsindən ibarət İslam İttifaqı yaradılıb. Koalisiyanın hərbi əməliyyatlarda iştirak etməyəcəyi bildirilib.