Terrorçular Hindistanın Pakistanla sərhəd Pəncab əyalətinin Pathankot şəhərində yerləşən hərbi bazaya hücum edib.

Axar.az xəbər verir ki, yaranan qarşıdurmada 4 terrorçu, 2 hərbçi və 1 mülki vətəndaş olmaqla 7 nəfər həlak olub.

"Sputnik"in məlumatına görə, hadisə bu gün səhər saatlarında baş verib. Qarşıdurmadan sonra bazanın təhlükəsizliyi gücləndirilib, araşdırma aparılır.

"Hindistan Express"in əldə etdiyi məlumata görə, terrorçular mərkəzi Pakistanda yerləşən radikal Məhəmmədin Ordusu təşkilatının üzvləri olub.