Rusiya Federasiyası Prezidenti Vladimir Putinin Suriya Prezidenti Bəşər Əsədə istefaya getməyi təklif etməsi xəbəri yalandır.

Axar.az Avro Nyus-a istinadən xəbər verir ki, bu sözləri Rusiya prezidentinin mətbuat xidmətinin rəhbəri Dmitri Peskov deyib:

"Faynenşl Tayms" nəşrinin iddiaları əsassızdır. Prezident Putin Əsədə elə bir mesaj yollamayıb", - Peskov bildirib.

Qeyd edək ki, "Faynenşl Tayms" nəşri Vladimir Putinin Bəşər Əsədə istefaya getməsini tövsiyə edən bir mesaj yolladığını iddia edir. Nəşrin iddialarına görə, prezident bu mesajı Rusiya Baş Kəşfiyyat İdarəsinin (QRU) rəisi İqor Serqun vasitəsilə, onun ölümündən üç həftə əvvəl yollayıb.