İsrail Türkiyə ilə münasibətləri tam normallaşdırmağa hazır deyil.

Axar.az xəbər verir ki, bu sözləri İsrailin Rusiyadakı müvəqqəti işlər üzrə vəkili Aleks Qoldman-Şayman jurnalistlərə açıqlamasında deyib.

"İsrail ilə Türkiyə arasında əlaqələr "Mavi Mərmərə" hadisəsinə qədər çox yaxşı idi. Hazırda tərəflər arasında münasibətləri yenidən formalaşdırmaqla bağlı hər hansı razılaşma yoxdur. Türkiyə Həmasa yardımı dayandırmalıdır. Cənab Ərdoğan 2010-ci ildən bəri iki ölkə arasıdakı əlaqələri bərpa etmək fikrində deyil", - Şayman vurğulayıb.

Qeyd edək ki, 2010-cu ildə İsrailin Türkiyəyə aid "Mavi Mərmərə" gəmisinə hücumundan sonra iki ölkə arasında münasibətlər son həddə qədər pozulmuşdu. Ötən ilin dekabrında isə tərəflər arasında diplomatik əlaqələrin bərpa edilməsi ilə bağlı Türkiyə mediasında məlumatlar yayılmışdı.