PKK terrorçuları da bu millətin övladıdır.

Axar.az xəbər verir ki, bu sözləri Türkiyənin CNN kanalındakı "Tərəfsiz bölgə" proqramında Xalqların Demokratik Partiyasının (HDP) millət vəkili Cəlal Doğan deyib.

Proqramın aparıcısı Əhməd Hakanın gün ərzində (10 fevral – red.) Türkiyənin PKK ilə mübarizədə 9 şəhid verməsi barədə sualına millət vəkili belə cavab verib:

"Şəhidlərimizə Allahdan rəhmət diləyirəm. Rəsmi məlumatlara görə, ümumilikdə əməliyyatlar zamanı da 756 partizan öldürülüb. Onların da bu millətin övladı olduğunu unutmamaq lazımdır".

Cəlal Doğan 2015-ci il noyabrın 1-də keçirilən parlament seçkisində İstanbuldan millət vəkili seçilib.

Qeyd edək ki, türk ordusu bir neçə aydır Türkiyənin cənub-şərqində PKK-ya qarşı anti-terror əməliyyatları aparır.