Ana səhifə Planet |
ABŞ Prezidenti Barak Obama ilə Rusiya Prezidenti Vladimir Putin Suriyadakı atəşkəslə bağlı telefon danışığı aparıb.
Axar.az xəbər verir ki, bu haqda məlumatı Vladimir Putin "Rusiya 24" kanalındakı çıxışı zamanı deyib.
Vladimir Putin atəşkəsə nail olunduqdan sonra İŞİD terror qruplaşmasına qarşı hava zərbələrinin davam etdiriləcəyini açıqlayıb:
"Suriyadakı bütün münaqişə tərəfləri fevralın 26-dək atəşkəs rejiminə sadiq qalacaqlarını təsdiq etməlidir. Atəşkəs rejimi ilə bağlı Rusiya tərəfi Suriya hökuməti ilə birgə zəruri addımlar atacaq. Suriya böhranı çərçivəsində beynəlxalq qüvvələrin nail olduğu bu atəşkəs terrora qarşı mübarizə üçün böyük nümunədir".
Xatırladaq ki, razılaşdırılmış atəşkəs rejiminin fevral ayının 27-də qüvvəyə minəcəyi ilə bağlı az öncə məlumat yayılmışdı.
Tarix
2016.02.22 / 23:36
|
Müəllif
Rəfiqə Əlisəfa
|