İranın son hücumu ordunun gücünü nümayiş etdirdi və İsrailin hegemonluğunu darmadağın etdi.

Axar.az xəbər verir ki, bunu İran Prezidenti İbrahim Rəisi deyib.

“İsrailə hücum məhdud xarakter daşıyırdı. Lakin İsrail İranın maraqlarına ən kiçik zərər verərsə, şiddətli cavab olacaq. İsraillə əlaqələri normallaşdırmağa çalışan islam ölkələri uğursuzluğa düçar oldular və indi utanırlar. İctimai rəy görünməmiş sürətlə ABŞ və İsrail hökumətlərinə qarşı çevrilir. Bu, İslam müqavimət hərəkatının qələbəsini göstərir. İranın silahlı qüvvələri islam ümməti üçün qürur mənbəyidir. Bölgədəki ölkələr İsraillə müqavilə bağlamaqdansa, qüdrətli müsəlman qüvvələrinə arxalanmalıdırlar”, - Rəisi bildirib.