Ermənistanın yeni prezidenti Milli Təhlükəsizlik Şurasının eks-rəhbəri Artur Baqdasaryan ola bilər.

Axar.az xəbər verir ki, bu barədə informasiyanı "Aykakan Jamanak" qəzeti yayıb. Baqdasaryanın artıq bununla bağlı Serj Sərkisyana təklif göndərdiyi də bildirilib.

Qeyd edək ki, Artur Baqdasaryandan başqa bu posta Konstitusiya Məhkəməsinin rəhbəri Qaqik Arutyunyan da əsas namizəd kimi göstərilir.

Ermənistanda sonuncu konstitusiya dəyişikliklərinə əsasən, 2018-ci ildən etibarən prezidentin səlahiyyətləri kəskin şəkildə azaldılacaq. Prezident parlament tərəfindən seçiləcək və ölkənin baş nazirinə əlavə imtiyazlar veriləcək. Bəzi ekspertlər Sərkisyanın bu dəyişikliklər hesabına öz hakimiyyətini uzatmağı hədəflədiyini bildirib.