2024.06.23. 14:36
Sevastopol raket atəşinə tutulub.
Axar.az xəbər verir ki, Sevastopol qubernatoru Mixail Razvojayev məlumat verib.
“Raket hücumlarının qarşısı alınıb. 5 hədəf hava hücumundan müdafiə sistemləri tərəfindən məhv edilib. Uçkuyevka qəsəbəsində ikisi uşaq olmaqla, 12 nəfər, Lyubimovkada isə iki nəfər yaralanıb”, - Razvojayev bildirib.
***
Rusiya Müdafiə Nazirliyinin məlumata görə, Ukrayna ordusu Sevastopola ATACMS raketləri ilə zərbələr endirib.
Zərbələr nəticəsində biri uşaq olmaqla, 3 nəfər ölüb, 100 nəfər isə yaralanıb.
***
Sevastopolda raket hücumu nəticəsində ölənlərin sayı 5-ə çatıb. Onlardan ikisi uşaqdır.
Bunu Sevastopol qubernatoru Mixail Razvojayev deyib.
Onun sözlərinə görə, 119 nəfər yaralanıb.
***
Mixail Razvojayev yaralıların sayının 144-ə çatdığını bildirib.
Həmçinin əlavə edib ki, dəqiqləşən son məlumata görə, ölənlərin sayı 5 yox, 4-dür.
***
Razvojayev yaralıların sayının 151-ə çatdığını açıqlayıb.