ABŞ-ın "Forbes" biznes jurnalı 2023-cü il üçün milyarderlərin siyahısını dərc edib. Qeyd olunur ki, 2022-ci illə müqayisədə milyarderlərin sayı 141 nəfər artaraq 2871 nəfərə çatıb. Onlardan 369-u qadın milyarderdir.

Axar.az Publika.az-a istinadən xəbər verir ki, "Forbes"in siyahısında yalnız bir türk qadın - "Agrotech"in sahibi, milyarder Humeyra Gökçen Keskin də yer alıb.

Onun sərvəti 1,1 milyard dollardır. Qeyd edək ki, “Agrotech” kənd təsərrüfatı, qida sahəsində fəaliyyət göstərir və Türkmənistan, Azərbaycan, Qırğızıstan, Qazaxıstan və Kiprə sərmayə yatırır.

Qeyd edək ki, dollar milyarderləri siyahısına Türkiyədən 27 nəfərin daxil olduğu bildirilir.