İran prezidentliyinə namizəd Məsud Pezeşkianı dəstəkləyən azərbaycanlı vəkil Məhəmməd Təriqət radikal mühafizəkar siyasi cərəyanın namizədi Səid Cəlilinin tərəfdarları tərəfindən döyülüb.

Axar.az xəbər verir ki, bu barədə yerli sosial media kanallarında məlumat yayılıb.

Radikallar Məhəmməd Təriqətin avtomobilinin arxa şüşəsində Məsud Pezeşkiana səs verməyə çağıran posterin olduğuna görə ona hücum ediblər.

Yayılan videolarda hücumçuların azərbaycanlı vəkilin avtomobilini saxlayaraq onu düşürtdükləri, həyat yoldaşı və azyaşlı qızının qarşısında ona güc tətbiq etdikıəri görünür.

Şərqi Azərbaycan əyalətinin prokuroru Məhbub Əlilu hadisə ilə bağlı araşdırma aparıldığını deyib.