Mən İranın pak torpağının oğluyam və türkdilli doğulduğuma görə fəxr edirəm.

Axar.az xəbər verir ki, bunu İranda prezidentliyə namizəd olan Səid Cəlili sosial media hesabında yazıb.

O, rəqibi Məsud Pezeşkianın türklər tərəfindən böyük dəstək almasına cavab olaraq ana tərəfdən türk (azərbaycanlı) olduğunu bildirib.

Səid Cəlilinin atasının məşhədli, anası isə ərdəbilli olduğu bildirilir.

Bir müddət öncə Səid Cəlilinin tərəfdarları Məsud Pezeşkianın namizədliyini və türklərin onu dəstəkləməsini monqolların hücumu və İranda yeni monqol hakimiyyətinin qurulmasına cəhd adlandırmışdılar.

Qeyd edək ki, 28 iyunda İranda keçirilən prezident seçkilərinin birinci turunda Məsud Pezeşkian bütün rəqiblərini qabaqlayıb, Səid Cəlili isə ikinci olub. Seçkilərin ikinci turu iyulun 5-də keçiriləcək.