Misir Prezidenti Əbdülfəttah Sisinin sentyabrın 4-də Ankaraya gözlənilən səfəri zamanı Türkiyə PUA-larının Misirə tədarükü ilə bağlı müqavilənin imzalanması planlaşdırılır.

Axar.az xəbər verir ki, bu barədə “Milliyyət” qəzeti məlumat yayıb.

“Sisinin Türkiyəyə ilk rəsmi səfəri çərçivəsində iki ölkə arasında Yüksək Səviyyəli Strateji Əməkdaşlıq Şurasının iclası keçiriləcək və ikitərəfli ticarət dövriyyəsinin ildə 10 milyard dollardan 15 milyard dollara çatdırılması perspektivləri müzakirə olunacaq. Sisi ilə türkiyəli həmkarı Rəcəb Tayyib Ərdoğanın danışıqlar proqramında əsas məsələ Fələstin-İsrail münaqişəsinin həlli olacaq. Tərəflər Aralıq dənizinin şərq hissəsi, Liviya və digər regional məsələləri də ətraflı müzakirə edəcəklər”, - məlumatda deyilir.