Donetsk vilayətinin Pokrovsk şəhəri Rusiyanın gələcək planları üçün çox vacib yaşayış məntəqəsidir.

Axar.az xəbər verir ki, bunu Ukrayna Silahlı Qüvvələrinin mayoru, III diversiya-hücum briqadası komandirinin müavini Maksim Jorin deyib.

"Təsadüfi deyil ki, Pokrovska çox diqqət yetirilir. Bir çox digər şəhərin - məsələn, Avdeyevkanın dəyəri odur ki, logistika imkanlarına malikdirlər və s. Pokrovsk isə düşmənin gələcək planları üçün çox vacib bir qəsəbədir", - mayor bildirib.

Onun sözlərinə görə, Pokrovsk alınarsa, Rusiya Federasiyası Donetsk vilayətində daha da irəliləməyə (bu, regionun sərhədinə çatmaq üçün birbaşa riskdir), həmçinin cənuba və ya Dnepropetrovsk vilayətinə getməyə cəhd edə bilər.