Ana səhifə Planet |
Babək Zəncaninin Türkiyədəki ortağı Qüdrət Tuncel İran Milli Neft Şirkəti tərəfindən məhkəməyə verilib.
Axar.az xəbər verir ki, bunu İran mətbuatına açıqlamasında İran Milli Neft Şirkətinin vəkili Gülam Rza Məhdəvi söyləyib. Onun sözlərinə görə, Tuncel Zəncaninin "Onur Eyr" şirkətindəki malının əsas əmanətçisidir. O hazırda Tuncellə bağlı araşdırmanın aparıldığını bildirib.
Qeyd edək ki, Zəncani bir müddət öncə məhkəmə tərəfindən verilən qərarın yumşaldılması üçün Türkiyədəki əmlakından imtina etdiyini açıqlayıb.
Martın 7-də İran məhkəməsi milyarder Babək Zəncaninin edam edilməsi qərarını verib. Zəncani İranın neft pullarının mənimsənilməsində və çirkli pulların yuyulmasında günahlandırılır. Hazırda Zəncaninin 14 milyard dollar sərvəti var. Güney Azərbaycandan olan məşhur milyarder Rza Zərrab və Qüdrət Tuncel onun Türkiyədəki əsas ortaqları hesab edilir.
Tarix
2016.04.17 / 20:02
|
Müəllif
İlkin Həsənov
|