Serbiya Prezidenti Aleksandr Vuçiçlə Rusiya Prezidenti Vladimir Putin arasında telefon danışığı baş tutub.

Axar.az xəbər verir ki, bu barədə Serbiya Prezidenti Aleksandr Vuçiç özünün İnstaqram hesabında məlumat verib.

“Hörmətli Serbiya vətəndaşları, mən Rusiya Prezidenti Vladimir Putinlə söhbəti indicə başa çatdırdım. Demək olar ki, 2,5 ilə yaxındır danışmırıq və gözəl, açıq, uzun və mənalı söhbətimiz oldu. Biz, əlbəttə ki, Belqradın azad edilməsinin 80 illiyi haqqında danışdıq. Təbriklərinə görə Prezident Putinə təşəkkür etdim və serb xalqının sarsılmaz azadlıqsevər ruhunu qeyd etdim, Serbiya və xalqımızın serb birləşmələri ilə birlikdə paytaxtın azad edilməsində iştirak edən Qırmızı Ordu hissələrinə minnətdarlığını bildirdim”, - Vuçiç bildirib.

Qeyd edək ki, Serbiya Prezidenti Aleksandr Vuçiç 2.5 ildir Vladimir Putinlə danışmadığını bildirmişdi.