Xalq artisti Alim Qasımov “İzzət şou”nun qonağı olub.

Kult.az Axşam.az-a istinadən xəbər verir ki, xanəndə türkiyəli müğənni İbrahim Tatlısəslə bağlı xatirəsini bölüşüb.

“Allah İbrahim Tatlısəsə şəfa versin. Amma bir dəfə onun məclisinə məni dəvət etmişdilər. Oxudum. Bilirəm ki, Tatlısəs də bunu oxuyub. “Çərşənbə günündə, çeşmə başında…” zümzümə edib, mikrofonu ona verdim. Mikrfona da elə gözəl səs vermişdilər ki... Dedim, onunla birgə oxuyum, amma mənimlə oxumadı. Sonra ikinci dəfə mənə söz verdilər. O mikrofonu elə günə qoymuşdular, oxumaq bir yana qalsın, danışmaq da olmurdu. Allah şəfa versin. Bütün qeybətləri etdim, Allah qeybətə yazmasın!

Bir dəfə də cavan vaxtı məclisə getmişdim. Tanınmış oxuyan gəlmişdi. Onun xəbəri olmadan mikrofonunu mənə verdilər. Ağzımı açan kimi - ömrümdə də yaxşı mikrafonla oxumamışam - uçuram. Gördüm oxuyan məni görən kimi mikrofonu çəkdi... Bir şey ki, Allahdan verilib, onun qabağını ala bilməzsən”, - xalq artisti deyib.