Moldova seçicilərinin əksəriyyəti Prezident Maya Sanduya səs verməyib.

Axar.az xəbər verir ki, bunu Kremlin mətbuat katibi Dmitri Peskov deyib.

“Xanım Sanduya gəlincə, siz bilirsiniz ki, anladığımız qədər o öz ölkəsinin prezidenti deyil, çünki ölkənin özündə də əhalinin əksəriyyəti ona səs verməyib. Və biz çox parçalanmış cəmiyyətdən danışırıq”, - Peskov bildirib.

Onun sözlərinə görə, Moskva Rusiyada səs vermiş Moldova vətəndaşlarının nümunəsindən istifadə edərək, bu seçkiləri obyektiv mühakimə edə bilər:

“Bu seçkilər qeyri-demokratik və ədalətsiz idi”.

Qeyd edək ki, 3 noyabrda Moldovada keçirilən prezident seçkilərinin ikinci turunda Maya Sandu 55,33% səslə qalib gəlib. Maya Sandu rəqibi Aleksandr Stoyanoğlunu diasporun verdiyi səs hesabına udduğu üçün ölkədə etirazlar başlayıb.