13:54

Bu gün qondarma Abxaziya parlamentinin Rusiya ilə investisiya sazişinin ratifikasiyası ilə bağlı yenidən etiraz aksiyaları başlayıb.

Axar.az xəbər verir ki, bu barədə TASS məlumat yayıb.

Məlumata görə, etirazçılar yük maşını ilə darvazanı qıraraq parlamentin ərazisinə soxulublar.

***

Abxaziya “parlamenti” binasının yaxınlığında atışma səsləri eşidilir.

***

Suxumda etirazçılar Abxaziya prezidentinin administrasiyasına doğru irəliləyirlər.

***

Suxumdakı etiraz aksiyaları nəticəsində 8 nəfər yaralanıb.

Bu barədə Abxaziya "səhiyyə nazirliyi" məlumat yayıb.

***

Abxaziyada etirazçılar parlament binasının pəncələrindəki dəmir barmaqlıqları sındıraraq içəri daxil ola biliblər.

***

Abxaziya təhlükəsizlik qüvvələri parlament binasının yaxınlığındakı ərazini kütləvi şəkildə tərk ediblər.

Bildirilib ki, təhlükəsizlik qüvvələri etirazçılara heç bir müqavimət göstərməyib.

Parlamentə soxulmağı bacaran etirazçılar isə iclas zalını darmadağın ediblər.

***

Abxaziya müxalifəti hazırkı “prezident” Aslan Bjaniyaya ultimatum göndərərək, ondan bir saat ərzində istefa verməsini tələb edib.

Bu açıqlama ilə müxalifət təmsilçisi Levan Mikaa çıxış edib.

***

Aslan Bjaniya istefa verməkdən imtina edib.

O, Abxaziyada qalacağını və vəzifəsini icra edəcəyini bildirib.