ABŞ-ın yeni seçilmiş Prezidenti Donald Tramp vəzifəyə gələn kimi İranı müflis etmək üçün maksimum təzyiq strategiyasını canlandırmağı planlaşdırır.

Axar.az xəbər verir ki, bu barədə “Faynənşl Tayms” Trampın keçid komandasının planları ilə tanış olan milli təhlükəsizlik ekspertinə istinadən məlumat yayıb.

Bildirilib ki, Trampın keçid komandası İrana yönəlmiş fərmanlar hazırlayır və bu fərmanlar onun səlahiyyətlərinin ilk günündə verilə bilər, o cümlədən İran neftinin ixracına qarşı sanksiyaların tətbiqi gündəmdədir.

“Maksimum təzyiq kampaniyasının hədəfi İranı ordusunu gücləndirmək və HƏMAS və Hizbullahı maliyyələşdirməyə davam etmək imkanından məhrum etməkdir”, - nəşr vurğulayıb.