Qarabağ konfliktinin qızışmasının əsas səbəbi Ermənistan hakimiyyətinin daxilindəki yaranmış çətin vəziyyətdir.

Axar.az xəbər verir ki, bunu Ukrayna mətbuatına açıqlamasında azərbaycanlı hərbi ekspert Rizvan Hüseynov söyləyib. Onun sözlərinə görə, aprelin əvvəlindəki məğlubiyyət Ermənistan hakim elitasında böhran yaradıb:

"Hazırda Ermənistan hakimiyyəti faktiki olaraq iki qrupa bölünüb. Bunlardan biri Müdafiə naziri Seyran Ohanyanın ətrafında toplaşıb. Onlar hərbi şüarlarla çıxış edib, Serj Sərkisyanı və onun ətrafını Azərbaycana güzəştə getməkdə ittiham edirlər. Ermənistan hələlik danışıqlara getmək istəmir. Hətta Lavrovun səfəri belə bu gərginliyi yatırmadı".