ABŞ hakimiyyəti yeni seçilmiş prezident Donald Trampı və ailəsini öldürməklə hədələyən Arizona ştatından olan bir şəxsi həbs edib.

Axar.az xəbər verir ki, bu barədə “ABC Nyus” telekanalı məlumat yayıb.

“Manuel Tamayo-Torres seçilmiş prezidentə qarşı qeyri-müəyyən, lakin birbaşa təhdidlər edib və istintaqla tanış olan mənbələr onun açıqlamalarının konkret olaraq Trampa yönəldiyini təsdiqləyiblər. O, daha əvvəl sosial şəbəkələrdə siyasətçiyə müraciət edərək, bu sözlərlə video yayımlayıb: “Siz öləcəksiniz, oğlunuz öləcək, bütün ailəniz öləcək”. Bundan əlavə, videoda o, AR-15 tüfəngini yelləyərək, Tramp haqqında müxtəlif qəribə açıqlamalar verib. Avqust ayında Tamayo-Torres Arizonada respublikaçıların təşviqat mitinqində iştirak edib”, - məlumatda deyilir.