Ukrayna Prezidenti Vladimir Zelenski Gürcüstan hakimiyyətinə qarşı sanksiyalar tətbiq etdiyini açıqlayıb.

Axar.az xəbər verir ki, sanksiya siyahısına Gürcü Arzusunun lideri Bidzina İvanişvili, Baş nazir İrakli Kobaxidze, Tiflis meri Kaxa Kaladze, daxili işlər naziri Vaxtanq Qomelauri, mədəniyyət və idman naziri Tea Tsulukiani, regional inkişaf və infrastruktur naziri İrakli Karseladze, o cümlədən bəzi deputatlar daxil edilib.

“Bunlar Gürcüstan hökumətinin Gürcüstanın Putinə təhvil verdiyi hissəsinə qarşı sanksiyalardır. Biz Avropanı, Amerikanı və bütün dünyanı eyni şəkildə hərəkət etməyə çağırırıq”, - deyə Ukrayna prezidenti bildirib.

Qeyd edək ki, Zelenski ötən gün Gürcüstana sanksiya tətbiq ediləcəyini açıqlamışdı.