Böyük Vətən Müharibəsində Qələbənin 71-ci ildönümü münasibətilə Moskvada keçiriləcək paradın ilk məşqi keçirilib.

Axar.az xəbər verir ki, məşqə 10 mindən çox hərbi qulluqçu, 100-ə yaxın müasir silah və hərbi texnika cəlb olunub.

Paradda həmçinin, T-90 tankları, BTR-82A zirehli transportyorları, BMP-3 piyadaların döyüş maşını, "Koalisiya-SV" və "Msta-S" özüyeriyən artilleriya, "Buk-M2" zenit raket kompleksləri, "Pantsir-S1" zenit raket-mərmi kompleksləri, "Yars" raket kompleksləri də nümayiş olunacaq.

Paradın ikinci məşqi mayın 5-də, əsas məşq isə 7-də keçiriləcək.

Böyük Vətən Müharibəsində Qələbənin 71-ci ildönümü münasibətilə Rusiyanın 26 şəhərində parad keçiriləcək.