Ermənistanın Kollektiv Təhlükəsizlik Müqaviləsi Təşkilatından (KTMT) çıxması ilə bağlı heç bir sənəd daxil olmayıb.

Axar.az xəbər verir ki, bunu Rusiyanın xarici işlər naziri Sergey Lavrov Ermənistan Baş naziri Nikol Paşinyanın Ermənistanla KTMT arasında münasibətlərin dönüş nöqtəsini keçdiyi barədə bəyanatını şərh edərkən deyib.

“Biz bu söhbətləri eşidirik, Ermənistanın baş naziri parlamentdə bu mövzuda çox danışıb və müzakirə edib. Biz heç kimə heç nəyi məcbur etmirik. Əminik ki, üzvlükdən maksimum yararlanmaq Ermənistanın təhlükəsizliyinin maraqlarına uyğundur. Rusiya və KTMT-nin digər üzvləri İrəvana qapıları bağlamaq kimi qəbul ediləcək heç bir addım atmayıblar və atmayacaqlar”, - deyə o bildirib.

Qeyd edək ki, ötən gün Paşinyan parlamentdə bildirib ki, Ermənistan artıq özünü KTMT-dən kənarda hesab edir və buna görə də təşkilat daxilində qərarların və sənədlərin qəbulunda iştirak etmir.