Bu gün Türkiyə Milli Təhlükəsizlik Şurasının (MTŞ) toplantısı baş tutub.

Axar.az xəbər verir ki, Prezident Sarayında dövlət başçısı Rəcəb Tayyib Ərdoğanın sədrliyi ilə keçirilən iclas 3 saat davam edib.

Toplantıda terror qrupları və onların qolları ilə bağlı qətiyyətli mübarizə nəticəsində meydana çıxan vəziyyyət barədə Şuraya məlumat verilib.

Həmçinin, Livanda əldə edilən atəşkəs razılaşmasının daimi olmasının vacibliyi, İsrailin dərhal qətliamlara son verməli olduğu bildirilib.

Bundan əlavə, Suriyada gedən son proseslər, Ukraynada mövcud vəziyyət müzakirə edilib.

Azərbaycan və Ermənistan arasında davam edən danışıqların tez bir zamanda sülhlə nəticələnməsinin regiondakı bütün tərəflər üçün faydalı olacağı ifadə edilib.

Qeyd edək ki, bundan öncə Suriyada baş verənlər fonunda Türkiyə Təhlükəsizlik Şurasının "ən kritik iclaslarından birinin" keçiriləcəyi bildirilmişdi.