ABŞ müdafiə naziri Lloyd Ostin bu ölkədə səfərdə olan Ermənistan müdafiə naziri Suren Papikyanla görüşüb.

Axar.az xəbər verir ki, bu barədə Ermənistan Müdafiə Nazirliyi məlumat yayıb.

“Görüş zamanı müdafiə sahəsində Ermənistan-ABŞ əməkdaşlığı ilə bağlı məsələlər müzakirə olunub. Lloyd Ostin ABŞ-ın Ermənistanın müstəqilliyini, suverenliyini və rifahını dəstəklədiyini qeyd edərək, iki ölkə arasında əməkdaşlığın genişlənməkdə davam etdiyini vurğulayıb. Nazir Ostin ABŞ-ın Ermənistan Silahlı Qüvvələrində islahatları davam etdirməyə hazır olduğunu bildirib”, - məlumatda qeyd olunub.

Tərəflər beynəlxalq və regional təhlükəsizliklə bağlı məsələləri də müzakirə ediblər.