İsrail ordusunun bölmələri Suriyadakı hadisələr fonunda İsrailin nəzarətində olan əraziləri Suriyadan ayıran Qolan təpələrindəki bufer-zonaya yerləşdirilib.

Axar.az xəbər verir ki, bu barədə İsrail Müdafiə Qüvvələrinin mətbuat xidməti məlumat yayıb.

"Qolan təpələrində yaşayış məntəqələrinin və İsrail vətəndaşlarının təhlükəsizliyini təmin etmək lazımdır”, - məlumatda deyilir.

Hərbçilər xüsusi olaraq qeyd ediblər ki, İsrail Suriyada baş verənlərdə iştirak etmək niyyətində deyil:

“Biz vurğulayırıq ki, ÇAXAL Suriyadakı daxili proseslərə qarışmır”.

Qeyd edək ki, daha öncə "Tayms of İsrail" İsrail tanklarının Suriya sərhədini keçdiyi xəbərini yayıb.