HƏMAS və İsrail Qəzzada atəşkəs və israilli girovların azad edilməsi üzrə danışıqlarda irəliləyiş əldə edib.

Axar.az xəbər verir ki, bu barədə İsrailin “Ynet” portalı HƏMAS-ın adı açıqlanmayan yüksək vəzifəli üzvünə istinadən məlumat yayıb.

“Qəzzada atəşkəs və girovların azad edilməsi üçün aparılan danışıqlarda misli görünməmiş irəliləyiş əldə edilib. Yekun qərarı İsrailin Baş naziri Benyamin Netanyahu verməlidir. Razılaşma çərçivəsində azad edilməli olan girovların sayı ilə bağlı hələ də fikir ayrılığı var. Tərəflər girovlardan hansının azad ediləcəyi ilə bağlı da razılığa gələ bilmir. HƏMAS-dan danışıqlarla bağlı heç bir məlumat açıqlamaması xahiş olunub”, - məlumatda qeyd edilib.