Rusiya Prezidenti Vladimir Putin Donetskdə barışıqdan istifadə edərək, Avropa Birliyinin sanksiyalarından yaxa qurtarmaq niyyətindədir.

Axar.az xəbər verir ki, bu barədə ABŞ-ın kəşfiyyat şirkəti "Stratfor"un hesabatında bildirilib.

Hesabatda qeyd edilir ki, Moskva Donetskdə stabilliyi qorumaqla Qərblə təmaslarını genişləndirəcək:

"Atəşkəsin əldə edilməsi bir neçə ay əvvəl baş tutmuşdu. Əgər Donetskdə atəşkəs pozulmasa, Avropa Birliyinin 28 ölkəsi Rusiyaya qarşı sanksiyaların uzadılmasını dəstəkləməyəcək və sanksiya qüvvədən düşəcək".

Hesabatda həmçinin bildirilir ki, bununla paralel olaraq Kreml də öz növbəsində Avropa Birliyi ölkələri arasında parçalanmaya nail olmaq üzərində ciddi səylə çalışır.