Çin lideri Si Szinpin güclü zəlzələnin baş verdiyi Tibet muxtar bölgəsində sakinlərin xilas edilməsi və onlara yardım göstərilməsi üçün maksimum səy göstərilməsini əmr edib.

Axar.az xəbər verir ki, bu barədə Çin Mərkəzi Televiziyası məlumat verib.

“İnsanların axtarışı və xilas edilməsi, zərərçəkənlərə tibbi yardımın göstərilməsi və mümkün itkilərin qarşısını almaq üçün bütün səylər göstərilməlidir. Çinin səlahiyyətli orqanları ikinci dərəcəli fövqəladə hallara səbəb ola biləcək riskləri də aradan qaldırmalıdır”, - Szinpinin əmrində qeyd olunub.

Qeyd edək ki, Çinin cənub-qərbindəki Tibet muxtar rayonunda 7,1 bal gücündə zəlzələ baş verib, nəticədə 53 nəfər ölüb, 62 nəfər yaralanıb.