Türkiyədə Gələcək, Səadət və DEVA Partiyaları birləşərək “Yeni yol” adlı partiya yaradacaqlar.

Axar.az xəbər verir ki, bu barədə Türkiyə mediası məlumat yayıb.

Sözügedən partiyaların hər biri 13 təsisçinin adını müəyyən edəcək. Yeni qurulan partiyanın lideri deputat olmayan şəxs seçiləcək.

Yeni partiyanın yaranmasına baxmayaraq, Səadət, Gələcək və DEVA partiyaları öz fəaliyyətini davam etdirəcəklər.

Yeni partiya qurulduqda Səadət, Gələcək və DEVA partiyalarından olan millət vəkilləri Türkiyə Böyük Millət Məclisinə (TBMM) yeni partiyada siyasi fəaliyyətlərini davam etdirmək istədiklərini bildirən ərizə təqdim edəcəklər. Beləliklə, yeni fraksiya yaradılacaq.

Yeni partiyanın yaradılması ilə bağlı müraciətin yanvarın 10-u və ya 13-də Türkiyə Daxili İşlər Nazirliyinə təqdim edilməsi planlaşdırılır. Bundan sonra Gələcək Partiyasının sədri Əhməd Davudoğlu, Səadət Partiyasının sədri Mahmud Arıkan və DEVA Partiyasının sədri Əli Babacanın ictimaiyyətə birgə açıqlaması gözlənilir.