İranın Qızıl Aypara Cəmiyyətinin Yardım və Xilasetmə Təşkilatının rəhbəri Babək Mahmudi ölkə Prezidenti Məsud Pezeşkianın Rusiyaya son səfəri zamanı gecəgörmə qabiliyyətinə malik helikopterlərin alınması ilə bağlı müzakirələrin aparıldığını açıqlayıb.

Axar.az xəbər verir ki, bu barədə “Şəhri Xəbər” saytı məlumat yayıb.

“Gecəgörmə sistemli 20 helikopterin (dördü meşə yanğınlarının söndürülməsi üçün nəzərdə tutulur) alınması ilə bağlı müqavilə İranın əvvəlki hökuməti tərəfindən hazırlanıb və Pezeşkianın Moskvaya səfəri zamanı danışıqlar aparılıb. Planlaşdırıldığı kimi, təxminən 500 milyon dollar dəyərində olan 20 helikopter və komponentləri ölkəyə gətiriləcək və onların idarə olunması üçün təlimlər keçiriləcək”, - Mahmudi vurğulayıb.