2025.02.01 - 23:44

Rusiya hərbçiləri Kursk vilayətinin Suca şəhərindəki internat məktəbinə hücum ediblər.

Axar.az xəbər verir ki, bu barədə Ukrayna Silahlı Qüvvələrinin Suca şəhəri üzrə komendantlığının nümayəndəsi Aleksey Dmitraşkovski məlumat yayıb.

O bildirib ki, zərbələr nəticəsində dağılan binanın altında 95 nəfər qalıb:

"Dağıntılar altından insanların qışqırıq səsləri eşidilir. Hazırda hərbi komendantlıq axtarış-xilasetmə işləri aparır”.

***

Sucada internat məktəbinə endirilən zərbə nəticəsində 4 nəfər ölüb, 84 mülki şəxs xilas edilib, 4 nəfərin isə vəziyyəti ağırdır.

Bu barədə Ukrayna Silahlı Qüvvələrinin Baş Qərargahı məlumat yayıb.

Qeyd olunur ki, Rusiya ərazisindəki komendantlığın hərbi qulluqçuları fəaliyyətini davam etdirirlər.