Çin ABŞ-ın məhsullarına rüsum tətbiq etməsi ilə bağlı Ümumdünya Ticarət Təşkilatına (ÜTT) müraciət edəcək və öz hüquq və maraqlarını qoruyacaq.

Axar.az xəbər verir ki, bu barədə Çinin Kommersiya Nazirliyindən məlumat verilib.

“Birtərəfli tariflərin tətbiqi ÜTT qaydalarının ciddi şəkildə pozulmasıdır və nəinki ABŞ-ın daxili problemlərinin həllinə kömək etmir, həm də iki ölkə arasında normal iqtisadi və ticarət əməkdaşlığına xələl gətirir. Vaşinqtonun qeyri-qanuni hərəkətlərinə cavab olaraq Çin ÜTT-də iddia qaldıracaq və öz hüquq və maraqlarını etibarlı şəkildə qorumaq üçün müvafiq əks tədbirlər görəcək”, - məlumatda qeyd olunub.