Auşvits-Birkenau düşərgəsinin azad edilməsinin 80 illiyi ilə bağlı Osvensimdəki tədbirlərə Rusiyanın dəvət edilməməsi biabırçılıqdır.

Axar.az xəbər verir ki, bunu Rusiya Prezidenti Vladimir Putin jurnalist Pavel Zarubinə açıqlamasında deyib.

“Sizin Rusiya siyasətinə, Rusiya dövlətinin başçısına, mənə qarşı hər hansı münasibətiniz ola bilər, heç kim heç bir dəvət tələb etmir. Ancaq bu barədə düşünsəniz, bunu daha incə edə bilərdiniz. Osvensimi azad edənləri səhhətinə və yaşına görə dəvət etmək artıq mümkün deyilsə, heç olmasa, onların qohumları və ya qohumluğu olan hər kəs dəvət oluna bilərdi”, - Putin bildirib.

Qeyd edək ki, Osvensim əsir düşərgəsi 1945-ci ilin yanvarın 27-də Sovet ordusu tərəfindən azad edilib.